15 të vdekur e 22 të lënduar nga një aksident trafiku në Turqi
Pesëmbëdhjetë persona vdiqën dhe 22 u lënduan në një aksident rrugor ndërmjet një autobusi dhe një ambulance në Turqinë juglindore, tha të shtunën një guvernator rajonal.
“Në total, 15 nga qytetarët tanë vdiqën dhe 22 u lënduan, në një aksident që përfshin një autobus, një ekip urgjence dhe një ambulancë, midis Gaziantepit dhe Nizipit”, bëri të ditur Davut Gul, guvernatori i provincës Gaziantep.
Agjencia e lajmeve DHA raportoi se një ambulancë, një kamion zjarrfikësish dhe një autobus që transportonte gazetarë u goditën nga një autobus pasagjerësh.
“Tre zjarrfikës, dy punonjës të urgjencës dhe dy gazetarë janë në mesin e të vdekurve”, tha guvernatori i Gaziantepit.
Fotot e publikuara nga DHA tregojnë pjesën e pasme të një ambulance të shqyer dhe mbeturinat metalike të shpërndara rreth hapësirës ku ka ndodhur aksidenti i rëndë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]