Ministria e Financave: Çdo punëdhënës duhet që në 50 të punësuar, ta punësoj edhe një person me aftësi të kufizuar
Ministri i Financave, Punës dhe Transfereve, Hekuran Murati
Ministria e Financave, Punës dhe Transfereve ka bërë të ditur se në bazë të Ligjit për Aftësimin, Riaftësimin Profesional dhe Punësimin e Personave me Aftësi të Kufizuar, punëdhënësit obligohen që për çdo 50 të punësuar, ta punësojnë së paku një person me aftësi të kufizuara.
Sipas MFPT-së, punëdhënësit nga sektori publik, privat dhe organizatat joqeveritare të cilët nuk e përmbushin obligimin ligjor, obligohen që për nxitjen e punësimit të kësaj kategorie, të paguajnë kontribute mujore në lartësi të pagës minimale.
“Ministria e Financave, Punës dhe Transfereve, në linjë me programin Qeverisës, mbetet e përkushtuar për të krijuar qasje të barabartë në tregun e punës për të gjitha kategoritë shoqërore”, thuhet në njoftim.
Tutje, ministria ka publikuar edhe numrin e llogarisë në të cilën mund të bëhen kontributet mujore në llogarinë e veçantë në Thesar.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]