Arrestohet në Shqipëri kosovari që dyshohet për fajde dhe shtytje në vetëvrasje, ekstradohet në Kosovë

Policia e Kosovës ka njoftuar se një shtetas i Kosovës, i cili ishte në kërkim policor për “fajde” dhe “shtytje ne vetëvrasje”, është arrestuar nga autoritetet e Shqipërisë.

I njëjti është ekstraduar në Kosovë, kurse ishte duke u kërkuar nga Policia e Kosovës që nga 15 maji.

“Personi i dyshuar që ndodhej në kërkim policor për “fajde” dhe “shtytje ne vetëvrasje” pas arrestimit nga autoritet shqiptare, ekstradohet dhe dërgohet në mbajtje. Personi i dyshuar me iniciale (E.G.) nga data 15.05.2024 ka qenë në kërkim policor, i njëjti është arrestuar nga autoritetet shqiptare dhe përmes procedurave të ekstradimit është sjell në Kosovë”, njofton Policia, transmeton Telegrafi.

Personi me inicialet E.G është intervistuar nga Drejtoria për hetimin e krimit të organizuar dhe krimeve të rënda.

“Policia e Kosovës, konkretisht hetues policor nga Drejtoria për hetimin e krimit të organizuar dhe krimeve të rënda, sot më 11.07.2024, kanë intervistuar personin e dyshuar të apostrofuar më lart me iniciale, nën dyshimin për kryerjen e veprës penale ‘fajde’ dhe ‘shtytje ne vetëvrasje’, dhe me vendim të prokurorit i njëjti është dërguar në mbajtje për procedura të mëtejme ligjore”, thuhet në njoftimin e Policisë.