Fjalë Kyçe

Anulohen të gjitha fluturimet në Belgjikë për 24 orë, shkak greva

Anulohen të gjitha fluturimet në Belgjikë për 24 orë, shkak greva

Të gjitha fluturimet për në dhe nga Belgjika janë anuluar për një ditë për shkak të grevës, ka njoftuar kontrolli i trafikut ajror të këtij vendi.

Periudha e anulimit do të zgjasë për 24 orë, nga ora 22:00 (21:00 GMT) të martën.

Tre federata të mëdha sindikale kanë thirrë këtë grevë dhe po kërkojnë rritje të pagave, përfitimeve dhe pensioneve për atë që ata besojnë se është një nivel jetese i arsyeshëm, si dhe përmirësime në bilancin e punës dhe të jetës.

Agjencia e trafikut ajror Skeyes tha se nuk kishte “siguri rreth numrit të stafit për një numër të kufizuar postesh kyçe”, andaj edhe është ndërprerë trafiku ajror.