Arifi: Populli e pa Mustafën si u ballafaqua me lojërat e fatit – Qeveria po shqyrton ndalimin e tyre
Shefi i kabinetit të kryeministrit Ramush Haradinaj, Avni Arifi, ka reaguar pas një postimi të kryetarit të LDK-së, Isa Mustafa, kur tha se ky vit po përfundon me një qeverisje që dështoi në fushat themelore por me një premtim të madh për kumarin dhe kumarxhinjtë.
Arifi, në një postim në Facebook, ka thënë se “koncept dokumenti për lojërat e fatit që ka inicuar Ministria e Financave ka për qëllim futjen totale në kontroll të shtetit të të gjitha lojërave të fatit”.
“Meqenëse flasim për koncept dokument kjo nënkupton që kjo Qeveri po e shqyrton edhe opcionin e ndalesës së plotë por gjithçka është në fazë tepër fillestare. Për gjynah po përpiqet Isa nga LDK me gjetë diçka që ja stërshet prap shpifjet e vitit 2013 për kazino ndaj AAK-së. Fatmirësisht, populli e pa Isën si u ballafaqua me lojērat e fatit!!! Në fakt a kurrë nuk ishte Isa Kryeministër që të përballej me lojëra fati? Dorën në zemër si mos me pas qenë kurrë”, ka shkruar Arifi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]