Bie nga skelat e “Arenës Kombëtare”, vdes punëtori
Një 40-vjeçar ka humbur jetën teksa ishte duke punuar në kantierin e ndërtimit të stadiumit “Arena Kombëtare” në Tiranë.
Ngjarja u denoncua fillimisht nga ish-kryeministri Sali Berisha dhe më pas u konfirmua edhe nga policia.
Sipas policisë, viktima i identifikuar me inicialet Naim Idrizi aksidentalisht ka rënë nga një lartësi. Mësohet se ngjarja ka ndodhur gjatë paradites, por në orët e mbrëmjes 40-vjeçari ka ndërruar jetë në spital.
Njoftimi i policisë:
Gjatë paradites të sotme shtetasi N. I., 40 vjeç duke punuar në ambientet e një stadiumi aksidentalisht dyshohet të ketë rënë nga lartësia dhe është transportuar në gjëndje të rëndë shëndetësore për ndihmë mjekësore në spital.
Disa orë më vonë shtetasi N. I., ndërroi jetë në spital si pasojë e dëmtimeve të marra.
Policia po punon për zbardhjen e plotë të rrethanave të ngjarjes.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]