Bislimi takohet në ShBA me Zëvendës Drejtorin Menaxhues të FMN’së, ZKM jep detaje

Bislimi takohet në ShBA me Zëvendës Drejtorin Menaxhues të FMN’së, ZKM jep detaje

Zëvendëskryeministri Besnik Bislimi është takuar në Shtetet e Bashkuara të Amerikës me Zëvendës Drejtorin Menaxhues të Fondit Monetar Ndërkombëtar (FMN), Bo Li.

Sipas njoftimit të lëshuar nga Zyra e Kryeministrit, Bo Li “përgëzoi Qeverinë e Kosovës për punën e saj të mirë në fushën e zhvillimit ekonomik, duke theksuar rritjen e qëndrueshme ekonomike, menaxhimin e mirë fiskal dhe implementimin e reformave strukturore.”

Ndërkohë, Bislimi thuhet se e ka informuar atë për zhvillimet më të fundit në vend,

“Ndër të tjera, ai përmendi rritjen e eksporteve, atë të investimeve të huaja direkte, dhe uljen e inflacionit. Ai po ashtu theksoi se të hyrat dhe shpenzimet buxhetore janë rritur në masë të konsiderueshme, ndërsa është forcuar tutje qëndrueshmëria fiskale. Në përfundim, palët diskutuan për bashkëpunimin e mëtejshëm dhe angazhimin e përbashkët për zbatimin e programeve dhe projekteve të ardhshme”, thuhet tutje në njoftim.