Bllokohet anija me emigrantë e Banksyt, ekipi akuzon autoritetet se s’po u ndihmojnë

Në Detin Mesdhe është bllokuar anija e financuar nga artisti britanik Banksy.

Ekipi i tij arriti të shpëtonte 130 emigrantë, por thonë se autoritetet nuk po i dëgjojnë dhe po injorojnë kërkesat e tyre.

Anija “Louise Michel”, aktualisht ndodhet e bllokuar në Mesdhe. Të enjten veç kishte shpëtuar 89 emigrantë, përfshirë këtu gra e fëmijë.

Emigrantëve u janë shpërndarë jelekë shpëtues.

Banksy ka njoftuar të shtunën në rrjetet sociale se “BE-ja qëllimisht po injoron thirrjet nga “joevropianët”, njofton TheGuardian.

Videoja e publikuar nga ai, përfundon me fjalët “AllBlackLivesMatter”, “Jetët e afro-amerikanëve vlejnë”.

Ekuipazhi pretendon se autoritetet evropiane, përfshirë italianët, nuk po reagojnë në mënyrë të duhur ndaj emigrantëve.

Në Twitter, ekipi i Banksyt shkroi se “S’jemi në gjendje të lëvizim lirshëm dhe të sigurt, askush s’po na ndihmon”.

“Personat që kemi shpëtuar janë traumatizuar. Kemi nevojë për ndihmë të menjëhershme”, thuhet tutje.

Banksy blen një anije për të shpëtuar refugjatët, e lyen me ngjyrë…