Eurodeputeti gjerman i ashpër me Borrellin: Kurti tregoi gatishmëri të firmoste marrëveshjen, pse ai i fajëson të dy palët njësoj

Gjatë ditës së djeshme në Bruksel u zhvilluan bisedime të reja lidhur me dialogun Kosovë-Serbi.

Në këto bisedime nuk pati takim midis kryeministrit të Kosovës, Albin Kurti dhe presidentit serb Aleksandër Vuçiq. Të dy këta zhvilluan takime të ndara me liderët evropianë, Olaf Scholz dhe Emanuel Macron e Meloni.

Pas takimeve Borrell tha se puna po vazhdon dhe se për Kosovën dhe Serbinë s’ka zgjidhje tjetër përveç asaj që del nga dialog. Por lidhur me deklaratën e këtij të fundit ka reaguar eurodeputeti gjerman, Reinhard Butikofer.

“Një moment fatkeqësie për Kosovën”, Abazi: Kurti tradhtoi premtimin me të cilin erdhi në pushtet
Butikofer është shprehur i shqetësuar duke thënë se Borrell po i fajëson të dyja palët në mënyrë të barabartë duke mos kujtuar aktin e agresionit serb të 24 shtatorit.

“Kjo është vërtet interesante: 1. E vetmja pengesë, e cila Borrell përmend, është Asociacioni. A nuk kishte pengesa nga pala serbe? A është e drejtë të “harrohet” përmendja e të gjitha akteve të fundit të agresionit serb? 2. Kryeministri Kurti tha publikisht se ishte i gatshëm të firmoste gjithçka që BE-ja vendosi në tryezë, ndërsa Vuçiq refuzoi një gjë të tillë.

Pra, pse atëherë bën Borrelli fajëson të dyja palët në mënyrë të barabartë? 3. A i kujtohet Borrellit që Parlamenti Evropian kërkoi heqjen e sanksioneve ndaj Kosovës? Pse nuk flitet për këtë? Sa shumë pyetje”, ka shkruar Butikofer.