Gazetarja arrestohet për fyerje të Erdoganit
Gazetarja turke, Sedef Kambas, u arrestua dhe u dërgua në paraburgim për “fyerje të presidentit”, pasi tha një fjalë të urtë në televizion që u interpretua se i referohej presidentit Erdogan.
“Ka një fjalë të urtë të njohur që thotë se koka e kurorëzuar bëhet më e mençur. Por ne shohim që kjo nuk është e vërtetë. Kau që hyn në pallat nuk bëhet mbret, por pallati bëhet stallë”, tha gazetarja e njohur në Turqi, në rrjetin televiziv Tele1.
Gazetarja u arrestua gjatë natës në shtëpinë e saj në Stamboll, u mor në pyetje dhe u la në paraburgim, tha sot avokati i gazetares, Ugur Poiraz.
“Arrestimi i Sedef Kampa për ‘fyerje të presidentit’ është një shkelje serioze e së drejtës për lirinë e shprehjes,” komentoi Sindikata e Gazetarëve Turke (TGS).
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]