Gjimnazistët e Mitrovicës kthehen nga ekskursioni në Shqipëri, shkaku i tërmeteve
Komuna e Mitrovicës ka marrë vendim për kthimin e gjithë gjimnazistëve që gjendeshin për vizitë në Shqipëri, për shkak të disa tërmeteve që ndodhën atje në 24 orët e fundit.
Kryetari i komunës së Mitrovicës, Agim Bahtiri, thotë se kjo është bërë për shkak të sigurisë së nxënësve.
Postimi i Agim Bahtirit:
Pas tërmeteve të një pas njëshme të ndodhura gjatë 24 orëve të fundit në Shqipëri, komuna e Mitrovicës ka marrë vendim për kthimin e parakohshëm të gjimnazistëve që ndodheshin atje për vizitë.
Gjatë gjithë kohës kam qenë në kontakt direkt me stafin arsimor që e ka udhëhequr vizitën, për t’u kujdesur për sigurinë e nxënësve tanë.
Megjithatë, në fund kemi marrë vendim për kthimin e tyre në Mitrovicë, me ç’rast iu shprehu keqardhje nxënësve tanë, por që kjo është bërë për sigurinë e tyre. Fatmirësisht, asnjë nxënës nuk ka pësuar kurrfarë dëmi.
Qytetarëve të Shqipërisë të lënduar nga dridhjet e tokës, iu urojmë shërim të shpejt dhe lutem që raste të tilla të mos përsëriten asnjëherë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]