Fjalë Kyçe

Humb jetën një gazetar në Afganistan

Humb jetën një gazetar në Afganistan

Një gazetar ka vdekur pasi është qëlluar me armë në pjesën juglindore të Afganistanit.

Sultan Mahmoud Khairkhwa, 60-vjeçar, vdiq për shkak të plagëve nga armët e zjarrit pasi ishte qëlluar në kokë më 15 mars nga disa sulmues të panjohur në qytetin Khost.

Ky është gazetari i katërt që vritet vetëm gjatë këtij viti në Afganistan.

Khairkhwa ka punuar për televizionin privat “Zaman”. Është raportuar se autoritetet e sigurisë i kanë vrarë sulmuesit e gazetarit.

Javën e kaluar, Nisar Ahmadi, gazetar i një televizioni lokal, u vra nga shpërthimi i një bombe në veturë në provincën jugore të Helmandit.

Përndryshe, Komiteti për Siguri të Gazetarëve ka bërë thirrje që qeveria të bëjë më shumë për mbrojtjen e gazetarëve në Afganistan, shkruan “Free Europe”, transmeton Gazeta Express.