Imami nga Malisheva kërkon dënimin sipas sheriatit për policin dhe mësuesin në Drenas

Imami i një xhamie në Rahovec, ka kërkuar aplikimin e ligjit të Sheriatit në Kosovë.

Bedri Bytyqi thotë se një ligj i tillë do të kishte ndikuar në ruajtjen e moralit në shoqërinë tonë.

Por, sipas Bytyqit, çka thotë sheriati për dënimin e burrit të martuar që kryen marrëdhënie intime jashtëmartesore.

“Për ata që janë të martuar, nëse bëjnë marrëdhënie jashtëmartesore dhe për këtë janë katër dëshmitarë, ata futen në dhe duke u goditur deri sa të humbin jetën”, tha ai në T7.

Por për ata pa kurorë martesore?

“Ndërsa për ata jo të martuar vlen rrahja me 100 kamxhik”, shpjegoi Bytyqi.

Bytyqi është i bindur se nëse profesori Shkelzen Xhekaj dhe polici Vesel Veseli që dyshohet se ka kryer marrdhënie intime me një 16 vjeçare shpallen fajtor, do të duhej të dënoheshin në këtë mënyrë.

“Absolutisht, nëse janë të fajshëm e meritojnë. Sikur sheriati të aplikohej në vendin tonë shumë gjëra do të ishin eliminuar; s’do kishe pasur hajni, prishje të moralit…”, thotë ai.

“Nëse janë fajtor, absolutisht. Nëse një rast dënohet të tjerët mësojnë”, shtoi Bytyqi.