Kështu e konsideron Policin e vrarë Izet Demajn, Presidenti Hashim Thaçi
Presidenti i Republikës së Kosovës, Hashim Thaçi, ka reaguar pas ngjarjes tragjike të ndodhur sot në Istog, prej ku mbeti i vrarë një pjesëtar i Policisë së Kosovës, në përpjekje për të parandaluar një grabitje të armatosur në një bankë në qytetin e Istogut.
Presidenti ka shprehur ngushëllime për familjen, ndërsa ka thënë se polici Izet Demaj është hero i Republikës së Kosovës.
“Kosova, fatkeqësisht, sot e humbi një polic të guximshëm në krye të detyrës. Ngushëllime familjes Demaj dhe Policisë së Kosovës. Izet Demaj është hero i Republikës së Kosovës. HTH”, ka shkruar Thaçi në profilin e tij në Facebook.
Polici Izet Demaj ka ndërruar jetë në Spitalin Rajonal të Pejës, si pasojë e palgëve që kishte marrë nga shkëmbimi i zjarrit me hajnin i cili i armatosur kishte tentuar të grabiste bankën.
Për vdekjen e policit kanë reaguar politikanë të shumtë. Izet Demaj kishte lufutuar edhe nën emblemën e Ushtrisë Çlirimtare të Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]