Konkurs për rekrutim të kadetëve në FSK
Ministria e Mbrojtjes do të hapë konkurs për rekrutimin e kadetëve, për vitin akademik 2022/2023.
Sipas njoftimit të publikuar nga MB-ja të martën, konkursi u shpall për Akademinë e Mbrojtjes së FSK-së, të Qendrës për Studime Universitare “Wesley Clark”, për Akademinë Ushtarake të Turqisë, Akademisë Ushtarake të Kroacisë dhe asaj të Maqedonisë së Veriut.
Konkursi do të jetë i hapur nga 9 qershori deri më 26 qershor 2022.
Aplikimi është online, derisa Ministria e Mbrojtjes i ftoi të rinjtë që pa dallim, të aplikojnë “duke ju garantuar proces të drejtë dhe transparent gjatë gjithë procesit të testimit dhe përzgjedhjes”.
Ditë më parë, në kazermën “Skënderbeu” të FSK-së në Ferizaj, u mbajt ceremonia e betimit të 257 rekrutëve të rinj, gjenerata e parë e FSK-së për këtë vit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]