Krimi që shokoi botë: Një grup burrash në Jordani i presin duart dhe i nxjerrin sytë 16-vjeçarit

Një zemërim i madh ka përfshirë Jordaninë, pasi duart e një 16-vjeçari u prenë dhe sytë e tij u nxorën nga një bandë burrash në qytetin Zarqa.

Sipas mediave të huaja, sulmi i së martës la të shokuar të gjithë banorët e Jordanisë duke marrë parasysh ashpërsinë e krimit.

Zëdhënësi i medias për Drejtorinë e Sigurisë Publike të Jordanisë, Kolonel Amer al-Sartawi, lëshoi një deklaratë në të cilën ai tha se një djalë 16-vjeçar u trajtua në Spitalin Qeveritar Zarqa në gjendje të rëndë pasi u rrah dhe “u masakrua” në duar dhe sy.

Siç theksohet më tej, ata e bllokuan, e çuan në një zonë të zbrazët dhe e rrahën me mjete të mprehta. Krimi tronditës u kap nga sulmuesi në një video, e cila më pas filloi të qarkullonte në internet, duke treguar djalin e ri duke thirrur për ndihmë.

Mbreti i Jordanisë, Abdullah II, kishte ndjekur personalisht detajet e operacionit të sigurisë të kryer nga Drejtoria e Sigurisë Publike, e cila çoi në arrestimin e atyre që ishin të përfshirë në sulmin e egër që u quajt si “krimi Zarqa” nëpër mediat sociale.