Lajm i mirë: Vajza gjendet e gjallë pas 24 orëve nën rrënoja në Bejrut
Shpëtimtarët gropuan me duar për ta nxjerrë fëmijën nga rrënoja e ndërtesës së shembur nga shpërthimi i tmerrshëm i të martës në Bejrut.
Në rrjetet sociale po qarkullojnë pamje e xhirime nga Bejruti pas ngjarjes së tmerrshme që i tronditi libanezët. Deri tani janë raportuar 137 viktima e mbi 4 mijë të plagosur nga shpërthimi në portin e Bejrutit.
Sipas raporteve vajza u nxor nga gërmadhat pas 24 orë qëndrimi aty e bllokuar nga rrënojat dhe kishte shpëtuar raporton Daily Mail.
Mediat lokale raportojnë se xhirimi ishte bërë mbrëmjen e të mërkurës. Aty shihen persona që po groponin me duar për të shpëtuar vajzën.
Në Bejrut është shpallur gjendje e jashtëzakonshme dhe ende po kërkohet për dhjetëra njerëz që nuk dihet për gjendjen e tyre.
Qytetarët e Bejrutit kryesisht fajësojnë qeverinë e Libanit për lejimin e magazinimit të materialit të rrezikshëm në portin e qytetit. Ata janë të zemëruar dhe të lodhur nga korrupsioni dhe kërkojnë që të sillen para drejtësisë përgjegjësit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]