Lekajt mbulon me asfalt kalldrëmin e vjetër 100 vjet, reagojnë qytetarët
Ministria e udhëhequr nga Pal Lekaj e ka mbuluar me asfalt një pjesë të kalldrëmit në rrugën që lidh fshatrat e larta të Shalës së Bajgorës me Mitrovicën.
Vendi është saktësisht në Sheshin e Vjetër, apo siç njihet me emrin ‘Stan Tërg’, vendi ku gjendet edhe miniera e Trepçës.
Kjo rrugë ishte e shtuar me Kalldrëm diku në vitet 20-ta dhe vjetërsia e saj ka arritur 100 vjet.
Banorët e Stan Tërgut kanë reaguar në lidhje me këtë duke e thënë se ia ka humbur hijeshinë këtij vendi.
F.D banor i këtij fshati, i tha lajmit se ky shesh ka qenë hijeshia e vendit dhe është i vjetër më shumë se ai mban mend.
“Unë i kam 64 vjet, këtu kam lind, une prej se e maj mend kshtu u kan. Edhe babë e babagjysh e kanë majt men kshtu. Kjo shumë kanë ba keq, e kanë prish hijeshinë”, tha F.D për lajmi.net.
Përndryshe, tani kur zgjedhjet janë afër, Ministria e udhëhequr nga AAK-ja ka filluar të shtrojë rrugë nëpër gjithë Kosovën.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]