Ligji për përdorimin e gjuhëve, përplasjet e para mes partnerëve

Javën e ardhshme pritet nënshkrimi i Kryeministrit Zoran Zaev, pas të cilit Ligji për Përdorimin e Gjuhëve do të dërgohet për shqyrtim në Komisionin e Venecias.

Kështu deklaroi për Alsat ministrja e Drejtësisë Renata Deskoska në emisionin “360 Gradë”.

Në intervistë, ajo tha se për një hap të tillë ka një përfundim në Qeveri dhe se ka marrëveshje mes LSDM-së dhe BDI-së për të përfshirë vërejtjet eventuale në ligj.

Pajtimi ekziston dhe ky është qëllimi. Pse do dërgonit në Komisionin e Venecias nëse nuk keni vullnet për të zbatuar vërejtjet më pas? Edhe vetë marrëveshja është nëse ajo që është miratuar në ligj konfirmohet nga Komisioni Venecian, në rregull, nëse jo do të ndryshojë sipas udhëzimeve të Komisionit të Venecias- deklaroi Renata Deskoska – Ministre e Drejtësisë

Por zëvendëskryeministri Bujar Osmani ka qëndrim ndryshe. Në pyetje të gazetarëve, ai tha se do ketë shkresë të dërguar deri te Komisioni i Venecias, por jo për ligjin e plotë, por vetëm për dy dispozita që nuk janë miratuar- për gjuhën shqipe tek monedhat dhe uniformat ushtarake.

Në procesverbalin e seancës së qeverisë në të cilën u miratua propozim-ligji për përdorimin e gjuhëve, që është dokument i kapshëm për opinionin në internet faqen e qeverisë, thuhet

Procesverbali i seancës së 20 të Qeverisë

“Qeveria vendosi Ministria e drejtësisë përmes Ministrisë së punëve të jashtme të kërkojë mendim nga Komisioni i Venecias për tekstin e ligjit dhe çështjeve të hapura që nuk janë pjesë e këtij ligji, pas miratimit të ligjit në Kuvendin e Republikës së Maqedonisë”.

Formulim i njëjtë, se në Komisionin e Venecias do të dërgohet edhe ligji i miratuar, është shënuar edhe në planin qeveritarë 3-6-9.