Michigan certifikon rezultatet e zgjedhjeve – fiton Joe Biden

Bordi i shtetit i Michigan ka votuar për të vërtetuar rezultatet e zgjedhjeve presidenciale, pas javësh përpjekjesh nga presidenti Donald Trump, i nominuari republikan, për të përmbysur fitoren e kundërshtarit të tij.

CNN raporton se tre anëtarë votuan në favor të certifikimit gjersa një prej tyre abstenoi.

Rruga drejt certifikimit të këtij cikli zgjedhor ka qenë një çështje jashtëzakonisht e komplikuar në shtetin e vëzhguar nga afër, transmeton Telegrafi.

Trump nuk ka mundur të ngadhënjejë në shtetin e Michiganit, të cilin e kishte fituar në vitin 2016 kundër Hillary Clintonit, në mënyrë që të siguronte Shtëpinë e Bardhë.

Por, presidenti i zgjedhur Joe Biden ishte në gjendje të kthente “Great Lake State” përsëri për demokratët këtë vit, me ish-nënkryetarin dhe kryetarin e saj në detyrë, Kamala Harris, që kishin bërë fushatë të madhe në shtet.

Ndërsa bëhej gjithnjë e më e qartë se rruga drejt fitores atje ishte ngushtuar, republikani përdori taktika të papara për të provuar dhe vonuar procesin e certifikimit ose për të zëvendësuar zgjedhësit e demokratit me ata që do të votonin për presidentin aktual, pavarësisht nga rezultati i votës.