Ministria e Shëndetësisë në Gaza thotë se mbi 30 mijë persona janë vrarë nga fillimi i luftës
Nga ministria e Shëndetësisë në enklavën e rrethuar të Rripit të Gazas, është bërë e ditur se mbi 30 mijë palestinezë janë vrarë në Gaza që nga fillimi i luftës mes Izraelit dhe Hamasit, që filloi më 7 tetor, shkruan CNN.
Këto shifra të larta tregojnë gjendjen e tmerrshme në këtë pjesë, ku si rezultat i bombardimeve të vazhdueshme nga ana e ushtrisë izraelite janë zhvendosur shumica e popullatës, duke u krijuar një krizë humanitare, transmeton Telegrafi.
Në anën tjetër, Izraeli është duke u ballafaquar me presion global për t’i dhënë fund konfliktit, por fushata e këtij vendi në Gaza vazhdon të mbetet në fuqi.
Shtetet e Bashkuara kanë propozuar “një armëpushim të përkohshëm” në Kombet e Bashkuara, por në anën tjetër ka vënë veto për t’i dhënë fund menjëherë konfliktit.
Shifrat e të vdekurve shfaqin frikën për vuajtje tjera në Rafah, në jug të këtij qyteti, ku më shumë se 1 milion palestinezë janë strehuar – e Izraelit pritet të fillojë një ofensivë të re.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]