Ndërron jetë e bija e Nelson Mandelës
Zindzi Mandela, vajza e ikonave të luftës kundër aparteidit në Afrikën e Jugut, Nelson Mandelës dhe Winnie Madikizela-Mandelës, ka vdekur, njoftoi televizioni publik SABC.
Ajo vdiq në Johannesburg të hënën në mëngjes në moshën 59 vjeç, transmeton Syri. Vdekja është konfirmuar nga një burim i familjes, raporton SABC.
Ajo ishte ambasadorja e Afrikës së Jugut në Danimarkë në kohën e vdekjes së saj. Shkaku i vdekjes nuk është bërë i ditur.
“Vajza 59-vjeçare e ish presidentit Nelson Mandela dhe luftëtares së vendosur Winnie Madikizela-Mandela, ndërroi jetë në një spital të Johannesburgut në orët e para të këtij mëngjesi,” tha SABC.
Ajo ishte fëmija i gjashtë i Nelson Mandelës dhe i dyti i tij me Winnie Madikizela-Mandelën.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]