Në Kosovë po shiten pasta me kanabis?

Në dyqanet ushqimore të mëdha në Kosovë po shiten pasta të cilat janë të gatuara me miell të kanabisit

Morelli Linguine, Canapa, janë pastat të cilat në përbërjen e tyre kanë miell të kanabisit.

Këto pasta prodhohen në Italinë e Jugut dhe një nga rekomandimet e italianëve lidhur me pastat, janë këto shpageta që kanë përmbajtje të kanabisit. Edhe vet emri i tyre rrjedh nga kanabisi, ku fjala Canapa do të thotë kërp, që është pjesa përbërëse kryesore e kanabisit.

Metro ka siguruara disa fotografi të këtyre pastave të cilat shiten në një prej dyqaneve më të mëdha ushqimore në Kosovë, emrin e të cilit e dinë redaksia.

Me Kodin Penal të Kosovës si dhe me Ligjin nr. 02/L-128 për Barnat Narkotike, substanca Psikotrope dhe Prekursorë përdorimi i drogës në Kosovë është i ndaluar, e lëre më që te ketë përmbajtje të tyre nëpër ushqime.

Këto pasta shiten në shumicën e dyqaneve të mëdha në Kosovë, të cilat janë emër shumë i njohur.

Sipas të dhënave në internet nga vetë kompania, thuhet se këto pasta janë të gatuara me bullgurë dhe me miell të kanabisit. Ato përmbajnë edhe ujë si dhe janë shumë lehtë për të u përgatitur.

Çmimi i tyre është mjaft i lartë, ku vetëm një pako me këtë lloj të pastave kushton mbi tri(3) euro.