Në mes tensionesh, Mali i Zi miraton ligjin për komunitetet fetare (VIDEO)
Parlamenti i Malit të Zi miratoi në mesnatë Ligjin për Lirinë e Fesë.
45 deputetë votuan në favor të projektligjit, ndërsa nuk pati abstenime.
Më parë, të gjitha ndryshimet e paraqitura nga Fronti Demokratik (DF) në projektligj u kundërshtuan.
Seanca e Kuvendit rifilloi pasi policia arrestoi deputetët e DF-së, transmeton Klan Kosova.
Ky ligj u kundërshtua nga opozita pro-serbe, duke ngritur shqetësimin se ky dokument mund t’i heqë Kishës Ortodokse Serbe të drejtën mbi pronësinë që ka.
Përmes tij kërkohet që ofrohen të dhënat mbi pronësinë që kanë prej para vitit 1918, kur Mali i Zi i është bashkuar Mbretërisë Jugosllave.
Kujtojmë se në Dhomën e Asamblesë, pas miratimit të Projektligjit për Lirinë e Fesë, në parim, ndodhën incidente serioze, pas së cilës u arrestuan të gjithë deputetët e DF-së.
Kryetari i Kuvendit Ivan Brajoviq tha se autorët e incidentit duhet të mbajnë përgjegjësi. Sipas tij, Mali i Zi, kurrë nuk do të lejojë që institucionet e tij të pengohen.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]