Nis gjyqi i sulmuesit të dyshuar të muzeut hebre në Bruksel
Në Belgjikë nisi të enjten gjykimi i një personi të akuzuar për vrasjen e katër njerëzve në Muzeun e Hebrenjve në Bruksel.
Mehdi Nemmouche, shtetas francez, akuzohet për vrasjen e dy turistëve, një vullnetari dhe një recepsionisti në sulmin e vitit 2014.
Ai dyshohet se ka luftuar me një grup xhihadist në luftën e Sirisë përpara se të kthehej në Evropë dhe të kryente sulmin anti-semitik.
Nemmouche, i cili i mohon akuzat, përballet me dënim të përjetshëm nëse shpallet fajtor.
Një tjetër francez, Nacer Bendrer, është po ashtu në gjyq nën akuzat se i ka siguruar armët që janë përdorur në sulm.
Sulmi në Muzeun e Hebrenjve ka ndodhur më 24 maj të vitit 2014.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]