Nisin homazhet për Haxhi Thaçin në Skenderaj

Homazhet për tashmë të ndjerin Haxhi Thaçin, babain e ish-presidentit Hashim Thaçi kanë nisur në palestrën “Ilaz Kodra” në Skenderaj, ku që në orët e para të mëngjesit kanë ardhur shumë qytetarë për të nderuar të ndjerin dhe për të shprehur ngushëllime familjes.

Në këtë ceremoni janë të pranishëm edhe familjarët e afërm, përfshirë nëna, gruaja dhe djali i ish-presidentit.

Komuna e Skenderajt tregon se kur do të mbahet ceremonia e varrimit të Haxhi Thaçit, babait të ish-presidentit Thaçi

Komuna e Skenderajt tregon se kur do të mbahet ceremonia e varrimit të Haxhi Thaçit, babait të ish-presidentit Thaçi
Sipas njoftim të Komunës së Skenderajt homazhet do të mbahen deri në orën 12:00, ndërsa mbledhja komemorative do të nis në orën 12:00, në palestrën “Ilaz Kodra” në Skenderaj.

Varrimi i të ndjerit do të bëhet në orën 15:00 tek varrezat e reja të fshatit Burojë të Skenderajt.

Ndërsa, e pamja do të mbahet më datë 19 dhe 21 mars tek palestra “Ilaz Kodra” në Skenderaj.

Ndërkaq, Gjykata Speciale ka refuzuar kërkesën e ish-presidentit të Kosovës, Hashim Thaçi, për të marrë pjesë në ceremoninë e varrimit të babait të tij.