Një burrë po mban peng dy gra në një qendër tregtare në Paris, kërkon të bisedojë me ministrin e Drejtësisë
Në Paris është duke ndodhur një krizë e pengmarrjes. Një burrë i armatosur me armë të ftohtë ka marrë peng dy gra në një qendër tregtare në Paris.
Në vendin e ngjarjes kanë dalë forca të shumta të policisë franceze, që po tentojnë të shpëtojnë dy gratë që janë marrë peng.
E tërë zona ku po ndodh drama është mbyllur për qarkullim, e autoritetet lokale u kanë bërë thirrje qytetarëve të Parisit që të mos e vizitojnë këtë pjesë të qytetit derisa policia të del me një njoftim të ri.
Sipas informacioneve të para, pengmarrësi është i njohur për autoritetet që ka probleme mendore. Fjala është siç raportojnë mediat lokale për një burrë me prejardhje nga Tunizia që quhet Abderaman B.J. që i ka 56-vjet, transmeton Telegrafi.
Ai ndër tjera ka kërkuar që të bisedojë me ministrin francez të Drejtësisë.
Në anën tjetër ministri francez Eric Dupond-Moretti, ua ka bërë të ditur njësive speciale të policisë së Parisit se është i qasshëm dhe i hapur për zgjidhjen e çfarëdo problemi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]