Parlamenti grek e shtyn votimin për marrëveshjen me Maqedoninë
Parlamenti i Greqisë e shtyu për të premten votimin mbi marrëveshjen historike për emrin e Maqedonisë.
Arsye për këtë, u tha se është, akomodimi i numrit të madh të folësve gjatë debatit shumë të polarizuar.
Debati parlamentar ishte caktuar të përfundojë më 24 janar, mirëpo zyra e kryetarit të Parlamentit tha se nuk kishte kohë të mjaftueshme për t’i lejuar të gjithë deputetët të regjistrohen gjatë debatit.
Qeveria e kryeministrit grek, Alexis Tsipras dhe homologu i tij maqedonas, Zoran Zaev, arritën marrëveshje në qershor të vitit 2018 për të ndryshuar emrin e Republikës ish-Jugosllave, në Maqedonia Veriore.
Ata i dhanë fund kështu mosmarrëveshjeve për emrin që kanë ekzistuar për disa dekada.
Sipas marrëveshjes, pas ndryshimit të emrit, Greqia nuk do të jetë më pengesë për anëtarësimin e Maqedonisë në NATO dhe BE.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]