Përplasje e ashpër në Vlorë mes policëve dhe qytetarëve
Një sherr masiv ka ndodhur gjatë mesnatës midis policisë së Vlorës dhe disa qytetarëve në Lungomare. Dyshohet që konflikti të ketë nisur për sekuestrimin e disa skuterave elektrikë.
Dy persona u arrestuan, të cilët janë pronarë të një subjekti që jep me qira mjetet elektrike.
Sipas policisë 2 të arrestuarit ushtronin aktivitetin e tyre pa licensë duke zaptuar hapësirën publike. Ndërsa po punohet për kapjen dhe nxjerrjen përpara përgjegjësisë penale të shtetasve të tjerë të cilët goditën punonjësit e Policisë gjatë detyrës.
Si pasojë e konfliktit, dy punonjës policie aktualisht ndodhen në spitalin e Vlorës, pasi kanë pësuar fraktura.
Sipas qytetarëve, sherrin e ka nisur policia pasi kanë komunikuar shumë ashpër me të rinjtë dhe më pas ka degjeneruar në përplasje fizike. Sipas dëshmitarëve efektivët kanë nxjerrë dhe armët./ A2News
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]