Fjalë Kyçe

Peter Handke refuzohet nga një komunë e Stokholmit

Peter Handke refuzohet nga një komunë e Stokholmit

Peter Handke nuk u ftua për një prezantim para nxënësve në Komunën Rinkeby të Stokholmit, si pjesë e projektit “Nobeli në Rinkeby”, njoftojnë mediat suedeze.

Që nga viti 1988, nxënësit në shkollat e Rinkeby kanë punuar me këtë projekt çdo vjeshtë, ndërsa lexojnë libra dhe shoqërohen me laureatët e rinj të Nobelit në letërsi.

Kjo traditë do të prishet për herë të parë këtë vit, pasi nuk do të ftohet laureati austriak, Peter Handke. Vetëm Olga Tokarczuk, fituesja e dytë e Nobelit, është e ftuar këtë vit.

“Ne të rriturit duhet të marrim përgjegjësi dhe duhet të kujdesemi që të mos përfshijmë fëmijët tanë në këtë fushatë”, thotë Gunilla Lundgren, themeluese e projektit “Nobel në Rinkeby”.

Gunilla shprehet se studentëve iu prezantuan pikëpamjet e Handkes për Srebrenicën dhe marrëdhëniet e tij me Sllobodan Milosheviqin.

Rinkeby është një Komunë e vendosur në veri të Stokholmit. Në këtë komunë, shumica e banorëve janë emigrantë. /Te Sheshi/