Policia parandalon garat e shpejtësisë në autostradën “Ibrahim Rugova”, shqipton 14 dënime nga 150 euro
Policia e Kosovës ka njoftuar se ka parandaluar garat e shpejtësisë në dy lokacione në autostradën “Dr. Ibrahim Rugova”.
Policia tha se ka arritur të parandalojë garat ilegale të cilat rrezikojnë sigurinë e pjesëmarrësve në trafik dhe ndaj shoferëve janë shqiptuar 14 gjoba nga 150 euro.
“Me datën 07.12.2023 në kuadër të Planit Operativ ”Parandalimi i Garave të Shpejtësisë” Njësia për Kontroll të Autostradave në bashkëpunim me Njësinë për Reagim të Shpejtë/DRP Prishtinë ka arritur që të parandalojë garat e shpejtësisë me automjete në dy lokacione Autostrada “Dr. Ibrahim Rugova” afër hyrje-daljes në Mazgit dhe në hyrje-daljen në Trudë. Njësitë policore në ora 22:55 kanë hasur në disa automjete duke u përgatitur për gara shpejtësie me ç ‘rast është arritur të parandalohen garat ilegale të cilat rrezikojnë sigurinë e pjesëmarrësve në trafik dhe ndaj shoferëve janë shqiptuar katërmbëdhjetë (14) gjoba”, thotë policia në njoftim.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]