Presidenti ende pa vendim për Ligjin e Pagave
Para dy ditësh, konkretisht më 12 shkurt të këtij viti, presidenti i Kosovës, Hashim Thaçi, ka pranuar nga Kuvendi Ligjin për Pagat.
Mirëpo i njëjti ligj është kundërshtuar nga Sindikata e Shërbimit Civil të Kosovës, Agjencia e Shërbimeve të Navigacionit Ajror (ASHNA), sindikalistët e KEK-ut, KOSTT-it dhe Telekomit, të cilët janë të pakënaqur me kufizimet që u janë vënë.
Si pasojë e kësaj është thënë se Presidenti Thaçi mund ta shqyrtojë mundësinë e mosdekretimit të Ligjit për Paga, duke e kthyer kështu në Kuvend.
Ardian Arifaj, këshilltar i presidentit Thaçi, ka thënë për lajmi.net se Presidenti tashmë është duke e shqyrtuar Ligjin për Paga dhe brenda afatit do të merret vendimi.
“Presidenti është duke e shqyrtuar Ligjin për Paga dhe brenda afatit ligjor do ta marrë një vendim”, ka thënë për Arifaj.
Ndryshe, Ligji për pagat ka kaluar në Kuvend më 2 shkurt, me 63 vota për dhe 1 abstenim.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]