Fjalë Kyçe

Propozimi rus për raketa kundërshtohet nga NATO-ja

Propozimi rus për raketa kundërshtohet nga NATO-ja

Aleanca Veri-atlantike e ka quajtur propozimin e Rusisë për të futur një moratorium për vendosjen e raketave me rreze të shkurtër dhe të mesme si jorealiste për shkak të raketës 9M729 ruse.

Zëdhënësja e NATO-s, Oana Lungescu tha se Rusia kishte vendosur tashmë sisteme SSC-8 (9M729), duke shkelur Marrëveshjen për likuidimin e raketave me rreze të shkurtër dhe të mesme.

“Derisa Rusia të mos shkatërrojë këto sisteme, propozimi për të vendosur një moratorium për vendosjen e raketave është jorealiste,” tha ajo.

Më herët është raportuar se presidenti i Rusisë Vladimir Putin ka paraqitur një propozim për vendosjen e një moratoriumi në disa vende, dhe Gjermania ka konfirmuar se ka marrë propozimin.