Protesta masive në Brazil kundër presidentit të vendit Bolsonaro
Mijëra brazilianë kanë marshuar në rrugët e Sao Paulos për të protestuar kundër presidentit Bolsonaro. Duke brohoritur dhe mbajtur pankarta, protestuesit kanë marshuar nga sheshi Paulista deri në qendër të qytetit me thirrjet për shkarkimin e presidentit Bolsonaro.
Ata kanë kritikuar mënyrën se si po e menaxhon pandeminë e koronavirusit. Deri tani, më shumë se 460 mijë brazilianë kanë vdekur si pasojë e infektimit me koronavirus. Protestuesit kanë thënë se është detyrë e qytetarëve të Brazilit që ta largojnë nga pushteti Bolsonaron, i cili edhe e ka vënë në dyshim virusin, megjithëse u infektua edhe vetë.
Protesta është organizuar prej grupeve e lëvizjeve të ndryshme, përfshirë edhe përkrahësit e partive majtiste dhe sindikatave të ndryshme të punëtorëve. Në marsh, janë dëgjuar edhe thirrje për më shumë të drejta për qytetarët indigjenë dhe gratë braziliane.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]