Fjalë Kyçe

Punëtorët e KEK-ut paralajmërojnë protesta e greva

Punëtorët e KEK-ut paralajmërojnë protesta e greva

Punëtorët e Korporatës Energjetike të Kosovës kanë paralajmëruar protesta e grave për shkak të mosplotësimit të kërkesave dhe nevojave të tyre.

Nexhat Llumnica, nënkryetar i Sindikatës së Re të KEK-ut ka thënë se nëse kjo korporatë edhe ndër më profitabilet në vend, kjo është siç ka thënë, për shkak të punëtorëve të saj të cilët po sakrifikojnë jetën dhe mirëqenien e tyre për një ndërmarrje me prodhim maksimal.

“Çdo ditë në faqen e Srkek-ut shohim njoftimet për raste të vdekjes së punëtorëve, të gjitha këto si rezultat i sëmundjeve profesionale që dyshohet se i marrin në vend të punës. Në anën tjetër shohim menaxhmentin nëpër media duke u lavdëruar për suksese në prodhim dhe profit të KEK-ut. Kurse ndërmarrjes me të fuqishme në vend i mungon marrëveshja kolektive nivel të ndërmarrjes, e që besa edhe ligji i punës nuk respektohet, e sa për Bonuse në kohë pandemie nuk po flasim, sikur punëtorët e KEK-ut janë vegël pune e asgjë ma shumë. Nuk do të tolerojmë më shumë zgjedhje e vetme është Protesta e GREVA nuk po kemi rrugë tjetër. Nuk jemi egoist, as nuk po kërkojmë lëmoshë por të drejtat tona dhe djersën tonë”, ka thënë Llumnica.

Kujtojmë se për shkak të pandemisë këtë vit, shumë punëtorë të sektorëve të ndryshëm në Kosovë kanë kërkuar pagesa shtesë për shkak të punës së tyre në kohë pandemie.

Qeveria e Kosovës muajin e kaluar ka ndarë mjete për disa kategori duke përfshirë këtu mësimdhënësit dhe zjarrfikësit e policinë ndërkohë që shumë sektorë të tjerë janë ankuar se kanë mbetur jashtë kësaj ndihme.