Shënimi molekular i naftës që pritet të fillojë në Kosovë do të mundësojë kontrollin e cilësisë

Programi i integritetit të naftës pritet të fillojë zbatimin në muajt e ardhshëm në Kosovë. Një kompani me bazë në Zvicër, e quajtur SICPA, e cila ka mbi njëqind vjet përvojë pune, po bashkëpunon me Ministrinë e Industrisë për të siguruar një sistem efektiv të kontrollit të cilësisë së naftës në tregun e brendshëm në Kosovë.

Zgjidhja më praktike dhe efektive për të siguruar cilësinë e vajit në tregun e brendshëm në Kosovë, konsiderohet të jetë markimi molekular i vajit. Kjo qasje lejon qeverinë të gjurmojë dhe monitorojë në mënyrë aktive cilësinë e naftës në tregun e brendshëm.

Lajmi.net ka kontaktuar kompaninë SICPA për të kuptuar më shumë se si funksionon shënimi molekular i naftës në praktikë. SICPA shpjegoi se kompania ofron një zgjidhje unike dhe inovative të konceptuar si Zgjidhje Integriteti për Naftën, e cila “zbulon mashtrime të tilla si nën-raportimi, devijimi dhe kontrabanda duke qenë në gjendje të zbulojë nivelin e hollimit dhe falsifikimit në produktin e naftës.” Tutje SICPA deklaron se “zgjidhja jonë integron shënjues të avancuara molekulare (dhe jo pigmente ose ngjyra që nuk ofrojnë siguri) dhe teknologji dixhitale, që i mundësojnë qeverisë të gjurmojë, dhe monitorojë plotësisht shpërndarjen e produkteve të naftës në të gjithë vendin dhe të zbulojë shpejt çdo veprimtari të paligjshme.”

Zbatimi i këtij programi për të siguruar integritet në sektorin e industrisë së naftës në Kosovë, kërkon njohuri specifike, përvojë, aftësi teknologjike, shkallë operacionale, përvojë ndërkombëtare dhe përvojë të suksesshme në zbatimin e programeve të tilla në shtete të tjera. SICPA duket të jetë kompania që plotëson këto kritere dhe puna e tyre me qeverinë e Kosovës pritet të sjellë përfitime për mjedisin dhe mbledhjen e taksave për institucionet publike, si dhe të përfundojë praktikën e manipulimit të qytetarëve me cilësinë e naftës