Shkencëtarët tregojnë se nga kush varet lumturia në martesë

Sipas një studimi të ri, sekreti për një martesë të lumtur mund të jetë i fshehur në ADN-në tonë. Shkencëtarët e Universitetit të Yales e kanë identifikuar një gjen që lidhet me raportet për lidhje të suksesshme mes njerëzve.

Përderisa lidhjet afatgjata varen nga një kombinim i ndërlikuar i tërheqjes fizike, vlerave dhe interisit të përbashkët, shkencëtarët thonë se rezultatet e tyre paraqesin dëshmi për rolin e gjeneve në lumturinë gjatë jetës martesore.

Bazuar në hulumtimin e 200 çifteve të martuara, shkencëtarët kanë vlerësuar se gati 4 për qind e lumturisë në martesë varet nga prania e një gjeni të caktuar.

Gjeni i identifikuar ndodhet në një receptor të oksitoksinës, që njihet ndryshe si “hormoni i dashurisë”. Besohet që ky hormon ka rol në lidhjet shoqërore dhe intime.

Njerëzit me këtë variant të gjeneve kanë prirje më të madhe për ta përjetuar ndjenjën e prekshmërisë, shoqërimit me të tjerët dhe stabilitetit emocional.

Rezultatet e këtij hulumtimi janë publikuar në revistën “Plos One” dhe janë dëshmia e parë mes gjeneve dhe suksesit në martesë. Shkencëtarët thonë se janë duke planifikuar që t’i studiojnë efektet e gjeneve në një grup më të madh të njerëzve, shkruan “Independent”, transmeton Gazeta Express.