Tre të lënduar në Podujevë si pasojë e një shpërthimi
Tre persona janë lënduar në Podujevë si pasojë e shpërthimit të një granate dore.
Këtë lajm e ka konfirmuar zëdhënësja e Policisë për rajonin e Prishtinës, Flora Ahmeti, e cila ka bërë të ditur se rasti ka ndodhur në fshatin Kerrpimeh të Podujevës.
Ngjarja ka ndodhur rreth orës 14:00, teksa granata dyshhet të ketë shpërthyer brenda shtëpisë.
“Sot rreth orës 14:00, jemi njoftuar për një rast shpërthimi në një shtëpi në fshatin Kërrpimeh të Podujevës. Njësitet përkatëse kanë dalur në vendin e ngjarjes, ku bazuar në hetimin fillestar dyshohet se nga nje mjet shperthyes (grantë dore), janë lënduar tre persona të cilët janë dërguar për tretman mjekësor”, ka thënë Ahmeti.
Ajo po ashtu ka bërë të ditur se për zbardhjen e rastit janë duke punuar edhe njësitet përkatëse në bashkëpunim me prokurorin e shtetit i cili po ashtu ka dalur në vendin e ngjarjes.
Ndërkaq, raportohet se njëri nga të lënduarit është në gjendje të rëndë shëndetësore.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]