Shpërthim i fuqishëm edhe në Wuhan, gjashtë të vdekur (Video)
Bota nuk po gjen qetësi. Një lajm tjetër i hidhur, më përmasa jo aq tragjike sa në Liban, por i ngjashëm, vjen nga vendi i origjinës së COVID-19.
Gjashtë vetë humbën jetën nga shpërthimi i madh brenda një fabrike me lëndë kimike afër Wuhan.
Shpërthimi ndodhi në një fabrikë silikoni në provincën Hubei.
Pamjet e mediave shtetërore tregojnë tymin e zi që përshkroi qiellin nga shpërthimi.
Katër persona të tjerë u lënduan, por gjendja e tyre ishte e qëndrueshme, thanë zyrtarët.
Pushteti vendor ka mbyllur kompaninë dhe ka filluar një hetim mbi ngjarjen.
Shpërthimi ndodhi dje në mbrëmje, por u raportua sot nga Kina, madje disa orë pas shpërthimit tragjik në Bejrut.
Nga shpërthimi tragjik në Liban, sot pasdite, veç dëmeve të shumta materiale, deri tani kanë humbur jetën me dhjetra persona, si dhe me mijëra të tjerë janë plagosur.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]