Sonte publikohet raporti i Prokurorisë Amerikane: A do të dalë Trumpi agjent i Rusisë?

Prokurori i Përgjithshëm thotë se mundohet që sonte t’i bëj publike “rreshtat kryesorë” të gjetjeve të raportit Muller.

“Prokurori i Përgjithshëm do që t’i publikojë ato sonte” tha një burim i Fox News-it brenda Prokurorisë së Përgjithshme, transmeton Gazeta Express.

Sipas burimeve të brendshme, thuhet se me shumë gjasa kryetitujt e raportit do të bëhen publike sot gjatë orës 15:00 deri në orën 17:00, me orën lokale në Amerikë.

Prokurori Barr njoftoi udhëheqësit e kongresit përmes një letre se gjetjet e hetimit të Mullerit do t’i dorëzohen atyre jo më larg se ky vikend.

Fox News-it i është thënë se ai nuk do t’i njoftojë avokatët personal të Trumpit mbi hapat që do të merren në vazhdim, dhe do që avokatët e Trumpit të njoftohen në të njëjtën kohë që njoftohet edhe publiku.

Ndërkohë Partia Demokratike pritet sot që të mbajë një konferencë për media në orën 15:00, me orën lokale të Amerikës Lindore. Kjo konferencë me gjasë do të mbahet për të diskutuar për hapat që do të merren më tutje nga partia. Në këtë konferencë do të flas Kongresmeni nga New Yorku, Hakeem Jeffries.

Sot gjatë ditës ka senatori Demokrat, Chris Coons, deklaroi “ky është fundi i fillimit, dhe jo fillimi i fundit”, raporton Fox News, transmeton Gazeta Express.