Fjalë Kyçe

Tërmet i fuqishëm në Afganistan, të paktën 250 të vdekur

Tërmet i fuqishëm në Afganistan, të paktën 250 të vdekur

Një tërmet i fuqishëm ka lënë të vdekur të paktën 250 njerëz dhe qindra të lënduar në Afganistan, ka thënë një zyrtar lokal për BBC-në të mërkurën.

Fotot e shpërndara në rrjetet sociale tregonin njerëz në barela, nën rrënoja dhe shtëpi të rrënuara në provincën Paktika.

Zyrtari i qeverisë ka thënë se numri i të vdekurve ka të ngjarë të rritet, pasi mbi 150 janë të lënduar dhe aktualisht po marrin trajtim. Disa janë në gjendje të rëndë.

Tërmeti pati epiqendrën rreth 44 km nga qyteti juglindor i Khostit.

Lëkundjet u ndien në më shumë se 500 km në Afganistan, Pakistan dhe Indi, sipas Qendrës Sizmologjike Mesdhetare Evropiane.

Tërmeti – i cili goditi gjatë orëve të para të mëngjesi në kohën kur shumë njerëz po flinin – ishte një tërmet me magnitudë 6.1 në një thellësi prej rreth 51 km, sipas Shërbimit Gjeologjik të SHBA-së.