Vendos Këshilli i Sigurimit, a do të diskutohet edhe për Kosovën?
Këshilli i Sigurimit të Kombeve të Bashkuara në mbledhjen e sotme do të diskutojë edhe për Kosovën, është bërë e ditur nga uebfaqja e OKB-së.
Sipas programit të punës së Këshillit të Sigurimit të OKB-së në New York për ditën e sotme, mbledhja parasheh diskutime për raportin tremujor të punës së UNMIK-ut.
Mbledhja do të fillojë në ora 15 me orën lokale ose 21 me orën evropiane, transmeton lajmi.net.
Deri në momentet e fundit nuk dihej nëse do të diskutohej për Kosovën pasi katër shtete, SHBA, Britania e Madhe, Gjermania dhe Polonia kundërshtuan që raporti i sekretarit të përgjithshëm të Kombeve të Bashkuara për Kosovën të jetë në rend të ditës.
Shefi i diplomacisë serbe, Ivica Daçiq ishte ankuar të mërkurën se ekziston një problem i madh brenda Këshillit të Sigurimit ku një numër i shteteve kundërshton diskutimet për Kosovën çdo tre muaj.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]