Zhvillimet e fundit në veri: Osmani takoi ambasadorët e Quintit dhe të BE-së

Pas zhvillimet të fundit në veri të vendit, presidentja e Kosovës Vjosa Osmani ka takuar ambasadorët e Quintit dhe të BE-së.
Kjo është bërë e ditur permës një njoftimi për media nga zyra e presidentes.

Më tutje sipas njoftimit thuhet se Osmani ka theksuar rëndësinë e bashkëpunimit të ngushtë me shtetet aleate dhe koordinimit të institucioneve të sigurisë, me qëllim të parandalimit të përsëritjes së akteve të tilla.

“Kosova është e vendosur që të vazhdojë ta promovojë paqen dhe stabilitetin në rajon, si dhe të punojë me komunitetin lokal serb për t’i afruar dhe integruar në shoqërinë dhe institucionet e Kosovës”, ka theksuar Osmani.

Më tutjer Osmani ka bërë të ditur se institucionet e Republikës së Kosovës janë të përkushtuara në menaxhimin e situatës aktuale dhe për të ndihmuar në arritjen e ruajtjen e paqes dhe stabilitetit.

Sipas Osmani, duhet të kërkohet llogaridhënie nga Serbia për veprimet e saj kundër Kosovës, duke ia bërë të qartë se duhet të ndalojë financimin, mbështetjen dhe shtytjen e grupeve kriminale për veprime terroriste.