Pse s’duhet të lani kurrë peshqirët dhe leckat e kuzhinës së bashku

Kur lani rrobat, ne ndajmë ato të bardha me ngjyra, por gjithashtu bëjmë një gabim – nuk ndajmë peshqirët nga leckat.

Ekspertët e pastrimit thonë se nuk duhet të lani kurrë peshqirët dhe leckat së bashku pasi në këtë mënyrë ekziston mundësia e ndotjes dhe përhapjes së baktereve dhe mikrobeve.

Ne përdorim lecka kuzhine për të fshirë duart, por edhe sipërfaqet e kuzhinës. Përveç kësaj, ato janë të lagura për shkak të përdorimit të shpeshtë, duke i bërë një vend ideal për zhvillimin e mikrobeve të ndryshme.

Nëse lani peshqirët bashkë me leckat, mikrobet mund të përhapen lehtësisht në peshqirë dhe nëse i lani së bashku, peshqirët mund të mos pastrohen siç duhet, gjë që mund të jetë jo higjienike.

Ekspertët e pastrimit këshillojnë që peshqirët të lahen çdo katër ditë në 40 gradë Celsius ose në një temperaturë më të lartë për të hequr qafesh mikrobet. Ju gjithashtu mund të lani peshqirët që përdorni për fytyrën tuaj në 90 gradë Celsius pasi kjo temperaturë vret në mënyrë efektive bakteret.

Leckat e kuzhinës mund të kenë më shumë baktere sesa mendoni, dhe pas përdorimit ato mund të marrin një aromë të pakëndshme.

Nëse e keni hasur tashmë këtë aromë të pakëndshme, e cila shpesh mund të “kalojë” në gjëra të tjera që ndodheshin në lavatriçe, mund të shtoni një lugë uthull ose sodë buke gjatë larjes