Agjencia Evropiane e Barnave miratoi pilulën e parë kundër coronavirusit
Agjencia Evropiane e Barnave (EMA) njoftoi të enjten se ka miratuar pilulën anti-COVID-19 të Pfizerit, Paxlovid, duke u bërë ilaçi i parë antiviral që autorizohet për përdorim në Bashkimin Evropian.
“Komiteti i EMA për Produkte Medicinale (CHMP) ka rekomanduar dhënien e një autorizimi të kushtëzuar për ilaçin antiviral Paxlovid”, njoftoi rregullatori i BE-së.
EMA rekomandoi “autorizimin e Paxlovid për trajtimin e COVID-19 tek të rriturit që nuk kanë nevojë për oksigjen shtesë dhe që janë në rrezik të sëmuren rëndë”, raporton euronews.
Antiviralët funksionojnë duke reduktuar aftësinë e një virusi për t’u riprodhuar, duke frenuar kështu sëmundjen. Ilaçi lehtësisht mund të administrohet duke u pirë me një gotë uji .
Pfizer tha në dhjetor se Paxlovid uli pranimet në spital dhe vdekjet tek njerëzit në rrezik deri në 90 për qind kur merret në ditët e para pas shfaqjes së simptomave.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]