Ilaçi kundër malarias mund të vrasë koronavirusin”, thotë Shefi i Novartis

Gjigandi farmaceutik zviceran Novartis beson se ilaçi anti-malarie hidroksiklorurina ofron një nga shpresat më të mira për të luftuar koronavirusin dhe ka dhuruar 130 milionw doza si pjesë e përgjigjes pandemike.

“Studimet para-klinike te kafshët, si dhe të dhënat e para nga studimet klinike tregojnë se hidroksilkroina vret koronavirusin”, tha Shefi i Ekzekutiv i Novartis-it, Vas Narasimhan, për “Sonntags Zeitung”.

Hidroksilklorina përdoret gjithashtu për të trajtuar lupusin dhe artritin. “Ne jemi duke punuar me spitalet zvicerane në protokollet e mundshme të trajtimit për përdorimin klinik të këtij ilaçi [kundër Covid-19], por është shumë herët për të thënë ndonjë gjë përfundimtare,” shtoi Narasimhan.

Hidroksilklorina dhe një ilaç i lidhur, chloroquine, aktualisht janë nën vlerësim në provat klinike për trajtimin e Covid-19.Novartis më parë kishte dhuruar 130 milionë doza, përfshirë 50 milionë 200 gramë doza që tashmë i ka grumbulluar. Raportohet se Shtetet e Bashkuara kanë pranuar 30 milionë doza, përcjell tutje albinfo.ch.

“Novartis do të punojë me palët e interesuara përfshirë Organizatën Botërore të Shëndetit për të përcaktuar shpërndarjen më të mirë të ilaçit për të siguruar një akses të gjerë për pacientët që kanë më shumë nevojë për këtë ilaç globalisht,” deklaroi kompania më 20 mars.

Firma të tjera farmaceutike po punojnë gjithashtu për sjelljen e ilaçeve të mundshëm të koronavirusit tek pacientët. Midis tyre është Roche, e cila ka filluar një provë klinike të një ilaçi të ri të mundshëm Covid-19, Actemra.