Mutacioni britanik i COVID-19 shkakton riinfektim

Bota vijon të përballet me pandeminë COVID-19, ndërsa variantet e reja të këtij virusi vështirësojnë edhe më tepër punën e autoriteteve shëndetësore.

Së fundmi është zbuluar se mutacioni brazilian i koronavirusit mund të infektojë sërish edhe personat që e kanë kaluar një herë infektimin.

Studimi prej 24 faqesh i publikuar në revistën shkencore Lancet, thotë se analizat e plazmës së gjakut të marra nga disa persona që e kanë kaluar një herë infektimin, treguan se antitrupat e zhvilluara prej tyre kishin kapacitet neutralizues 6 herë më të ulët përballë mutacionit brazilian.

Kjo do të thotë se edhe vaksinat që po përdoren aktualisht për imunizimin e popullatës në vende të ndryshme, nuk arrijnë ta pengojnë infektimin për herë të dytë me këtë mutacion. Të tjera studime kanë treguar se edhe mutacioni që qarkullon në Afrikën e Jugut ka të njëjtën ashpërsi si varianti brazilian.

Sakaq, një studim i kufizuar ka zbuluar se anti-trupat e zhvilluara nga vaksinat Pfizer/BioNTech dhe Moderna përcillen edhe përmes qumështit të gjirit. Një studim i publikuar në revistën tjetër shkencor Medarkajv i referohet analizave të kryera tek disa gra të vaksinuara në Oregon të Shteteve të Bashkuara, në qumështin e gjirit të të cilave u konstatua nivel i lartë anti-trupash që pas injektimit të dozës së parë. Megjithatë ende nuk është përcaktuar afati i qëndrimit të tyre aktiv për t’i përcjellë tek të porsalindurit.