Fjalë Kyçe

Laura Fazliu fiton medalje botërore në Marok

Laura Fazliu fiton medalje botërore në Marok

Një tjetër sukses vjen për Kosovën nga sporti i xhudos.

Është tani Laura Fazliu që ka fituar medalje të bronztë në Kampionatin Botëror për junior në Maroku, shtet ky që nuk e ka njohur pavarësinë e Kosovës.

Xudistja Fazliu në sfidën për medaljen e bronztë ka mposhtur çeken Renata Zachovan, me Ippon, shkruan lajmi.net.

Fillimisht, në repesazh, Fazliu kishte mposhtur gjermanen Annabelle Winzig.

Urimin e parë për këtë sukses, Laura Fazliu e ka marrë nga trajneri Driton Kuka.

“Edhe një medalje nga Kampionati Botëror për xhudon! Bravo Laura Fazliu na bane krenar sot”, ka shkruar Kuka në Facebook.