Fjalë Kyçe

Vaksinimi i plotë zvogëlon përgjysmë rrezikun nga pasojat afatgjata pas infektimit me COVID-19, sugjeron një studim i ri

Vaksinimi i plotë zvogëlon përgjysmë rrezikun nga pasojat afatgjata pas infektimit me COVID-19, sugjeron një studim i ri

Një studim i ri që përfshiu miliona njerëz në Mbretërinë e Bashkuar zbuloi se njerëzit që janë të vaksinuar plotësisht kundër COVID-19 kanë më pak gjasa të zhvillojnë pasoja afatgjata pas infektimit.

Në fakt, vaksinimi me dy dozat ul shanset për të zhvilluar pasojat afatgjata me rreth 50 për qind në krahasim me ata që nuk janë vaksinuar fare.

Studimi, i botuar në The Lancet Infectious Diseases javën e kaluar, përfshin të dhëna për më shumë se një milion njerëz në Mbretërinë e Bashkuar të cilët raportuan se kishin marrë të paktën një dozë të një vaksine COVID-19, përmes një aplikacioni.

Nga 1.24 milion njerëz në aplikacion që raportuan se kishin marrë një dozë të vaksinës anti-COVID, 6,030 persona (0.5 për qind) u infektuan me coronavirus. Dhe nga 971,500 njerëz që raportuan marrjen e dozës së dytë, 2,370 persona (0.2 për qind) raportuan se u infektuan me COVID-19 të paktën shtatë ditë pas dozës së tyre të dytë. Ata pjesëmarrës u përputhën me pjesëmarrës të ngjashëm të kontrollit, të cilët ishin njerëz të pa vaksinuar që përdorën aplikacionin për të paktën dy javë dhe rezultuan pozitivë, shkruan CNN.

Rezultatet e tyre treguan se, në krahasim me njerëzit e pa vaksinuar që u infektuan COVID-19, ata që ishin plotësisht të vaksinuar dhe kishin infeksione të mëdha kishin më pak gjasa të shtroheshin në spital nga COVID-19, kishin më pak të ngjarë të përjetonin pesë ose më shumë simptoma të coronavirusit dhe kishin më pak gjasa të kenë ende simptoma 28 ditë më vonë (pasoja afatgjata).

“Ne zbuluam se shanset për të pasur simptoma për 28 ditë ose më shumë pas infektimi përafërsisht u përgjysmua duke pasur dy doza vaksine”, shkruan studiuesit. “Ky rezultat sugjeron që rreziku nga simptomat afatgjatë është zvogëluar tek individët që kanë marrë të dy dozat e vaksinës kur merret parasysh rreziku i zvogëluar tashmë i dokumentuar i infeksionit në përgjithësi”.

Ky dhe studime të tjera konfirmojnë se infeksionet e mëdha mes njerëzve të vaksinuar plotësisht janë përgjithësisht të rralla. Dhe ky studim sugjeron që, edhe nëse dikush zhvillon një nga ato infeksione, ka të ngjarë të ketë më pak simptoma dhe simptoma më pak të rënda sesa ata që nuk janë të vaksinuar.

Këto rezultate ofrojnë një kujtesë të rëndësishme se mënyra më e mirë për të mbrojtur veten nga COVID-19 dhe të gjitha pasojat e mundshme shëndetësore të tij është vaksinimi. /Telegrafi/