Ka filluar takimi mes kryetarit të Vetëvendosjes, Albin Kurti dhe atij të LDK-së, Isa Mustafa.
Takimi po zhvillohet në mënyrë të fshehtë dhe gazetarët nuk janë lejuar të marrin as pamjet e hyrjes.
Kurti dje duke paralajmëruar takimin e sotëm tha se liderët prej të cilëve priten vendimet përfundimtare nuk bën të zvarrisin takimet, sepse koalicioni VV-LDK ka shumë punë për të bërë.
Ai gjithashtu ka thënë se në takimin me Mustafën do të diskutohet për çështjet e mbetura për harmonizimin e programit për bashkëqeverisje.
Kurti deklaroi se megjithatë nuk do të pranojë kushtëzime në ndarjen e pozitave qeverisëse nga, siç e quajti ai, profesori Isa Mustafa.